Aj Morkha Beess July, 2016 ko, MULK KE NAAMWER aur Dilon ke khaaka nigaar writer Saeed Akhter Ibraheen ki Kitaab ki Roo Numaai ki takreeb Aiwan-eJamhoor mein barri he khush asloobi aur KILLING tareeke se nibhai gai.

Note: BAKWAS parhnay or HAZAM kerne ki taakat rakhne wale he post ko parhein.

Takreeb mein sabse pehle pohanchne wale hum he thay yahaan takk keh Saeed Shab or Unki Rashk-e-Chaman Wife khud bhi abi nahi padhaaray thay. Barri bechain se unka intazar kiya takay takreeb ko inekaadi marahil tak pohnchayein.
Intezaar mein awaam ka jaaiza le rahi thi mein:

Kuch log neend me thy , kuch log barray e smoker thy, bahar he garmi jhail rhay thy, kuch log kitaab se mutaalik guftagu me masroof thy or kuch kitaab khareed kr usay ese ese face expressions k sath parh rhay thy keh unka dil ka haal jan’na mushkil nahi tha. Hum log intezaar kr rhay thy keh takreeb shuru hone k kuch deir baad nikal jaen. KAAM THA BAI ZARURI !

Khair Khair ker ke Launch ki asal Excitement ka time aya:

Bohat munasib or dilfaraib auditorium me tyari mukamal hui or sab aista aista aista settle DOWN o gaye. Sach btaun toh wahan chand ek logo k siwa jaanti toh nahi thi kisi ko per jo sahab sbse pehle kitaab k baray me baat krne aye unki izzat afzaai ne aansu baha diye. Or phr bht he khoobsoorat andaz me feedback diya. Launch ki khushi mein hoot krne ka to bohat dil chaha per takreeb ka mahol dekh ker munasib he nahi laga (just telling).

Us banday k stage chornay se pehle he hame hall chorna perr gya. Dil toh bilkul bhi nahi tha nikalne ka kiyun k ye takreeb jitni dilshasp ho rahi thi utna he dil tha k Saeed sahab ki khushiyo me barabar k shareek hon. Unke sath woh her lamha jeeyein, jisme ek writer apni purzor appreciation se phoolay na samaata hai or ye soch ker seena choraa kerta hai keh uske khayalaat jo us kitaab me hain unko samjhne wale, uske khayalaat ki kitni izzat kerte hain. Saeeb Akhtar sahab ki ankhein to khushi se jhilmila  bhi rahi theen or chalak bhi rahi theen. Unki Rashk-e-Chaman wife or Unke Chulbul Cheeku Meenku baitay Nirvan ne jo Saeed Sahab ka sath dia hai toh uska rang Is Kitab ki takmeel or iski Roo numai me saaf dikha.
Kher…

Kitaab se churai kuch khushbu zair-e-nazar hai. Enjoy kijiye !

 

Sex or Samaaj by Saeed Akhter Ibrahim


Review ( to be precise) :

“Sex or Samaj” k baray mein mein zyada kuch toh nahi kehu gi filwakt per jitni tehreerein mene parh li hain unse mujhay Sex lafz ki real life sanjeedgi ka ehsas hua or Insan ke Insaan honay ka ehsas hua (mind my double A in insaan). Ghin aayi toh us soch pe jo itne khoobsoorat or purisrar or quite obvious subject ko ghaleez ya mazaak samajhta hai. Dukh bhi hua keh kaash hum sab Sex or is samaaj se jurri karriyo ko milaa paayein.  Or pur umeed bhi hui keh Manto ne samaaj mein jitne Saeed Akhter Ibrahim paida kiye hain, Saeeb Akter Ibrahim ki writings or unki zaat us se kaheen zyada or bht se, Haqeekato ki roo numai krne wale INSAAN janam lenge.

Love and Wishes for Saeed Akhter Ibrahim Sahab:
Saeed Aktar Ibrahim Sahab ki hum jitna izzat krte hain utna he unse pyar bhi. Unki Rashk-e-Chaman or unko hmesha ka sath mubarak ho takay wo apne cheeku  miku betay k sath mil ker apne khuwab puray kerein or is society ko aaina dikhaty jaein or pyaar bikherte jaaein.
Lots of Love for the Book and the Author.

My signed copy (bought on discount #yaayyy #Discount #Sale #ImaBookWorm #NewBook #SaeedSahab) 😉

 

Sex or Samaj by Saeed Akhter Ibrahim
“Ilm ka mutlaashi zehen rakhne wali Shyzah Soharwerdi ke liye”

 

 

Halaat ke maaron se guzarish hai keh aaina dekhne ki khuwahish ho toh is kitaab ko zarur kharid ker parhein  Kiyun ke “Mukaalma Zaruri hai”. 🙂

PS: The word KILLING used in title was just a try to drag you guys to this post. Parha tha yr kaheen.
So if you got dragged and read whole of it then you MUST READ ! (with a wink)

7 COMMENTS

  1. Saeed ibrahim sahab tu likhte hain k gift ki gayi books footpath pr milti hain..book mangwa tu ln is ka name hi SEX OR samaj hai..ghar pr recieve krne wala Kiya soche ga Maine Kaisi book mangwayi.Confused

  2. I see you don’t monetize your blog, there is one cool method to
    make extra income, it will work with your blog perfectly, just search in google for: money making methods by Ricusso

LEAVE A REPLY